Ճիշտ ընդունել դեղորայքը

Հիվանդանալիս շատ հաճախ, արագ առողջանալու համար, սկսում ենք շատ դեղամիջոցներ ընդունել, չափաքանակն ավելացնել, դրանով նպաստելով ոչ թե առողջությանը, այլ օրգանիզմին վնաս հասցնելով:

Ահա մի քանի կարևոր կանոններ, որոնք վերաբերում են դեղորայքի ընդունմանը և դրանք հարկ է պահպանել, որպեսզի բուժումն արդյունավետ լինի:

* Անպայման հարկ է հետևել դեղորայքն ընդունելու ժամանակի հանձնարարականներին: Դրանց ճիշտ ընդունման համար ընդհանուր կանոններ գոյություն ունեն:

- Միզամուղ դեղամիջոցները (դիակարբ, ֆուրոսեմիդ, հիպոթեազիդ) պետք է ընդունել միայն և միայն սննդի ընդունումից հետո:

- Լուծողականները (գլաքսեն, սենադե, ռեգուլաքս, դյուֆալաք)` նախաճաշից 30 րոպե առաջ կամ երեկոյան` քնելուց առաջ:

- Հակալուծողական դեղամիջոցները և անտացիդները (սմեկտա, մաալոքս, իմոդիում, գաստալ, ալմագել) ընդունում են ուտելուց կես ժամ առաջ կամ երկու ժամ հետո:

- Զարկերակային արյան ճնշումն իջեցնող դեղպատրաստուկների ընդունումը ուտելու ժամերով պայամանավորված չէ (պապազոլ, ռաունատին, ադելֆան, ռեզերպին, բրիներդին, տենորիկ, էնապ):

- Հակաբիոտիկները նույնպես կարելի է ընդունել ցանկացած ժամի: Իսկ բուժման կուրս ընդունելիս սննդակարգում պետք է առկա լինի կաթնամթերք, որոնք վերականգնում են աղիների միկրոֆլորան: Իսկ բուժման կուրսի ավարտից հետո խորհուրդ է տրվում պոլիվիտամիններ ընդունել:

-Սուլֆանիլոամիդաներն ընդունում են միայն ուտելուց հետո և հանքային ջրով, իսկ սննդակարգից բացառում են այնպիսի ուտելիքները, որոնք պարունակում են ձու, պանիր, ընդեղեն, կաղամբ:

- Բրոնխոլիտիկ դեղորայքի ազդեցությունը պայմանավորված է այն հանգամանքից, թե դրանք երբ են ընդունվել, ուտելուց առաջ, հետո, թե ուտելու ընթացքում (բերոդուալ, վենտոլին): 

- Ոչ ստերոիդ հակաբորբոքային դեղամիջոցները (ասպիրին, պարացետամոլ, ցիտրամոն, վոլտարեն, ասկոֆեն) պետք է ընդունել խստորեն միայն սննդի ընդունումից հետո: Իսկ ցիտրամոնն ու ասկոֆենը լավ կլինի հանքային ջրով խմել: 

- Գլխուղեղի արյան շրջանառությունը լավացնելուն ուղղված դեղամիջոցները կարելի է ընդունել ցանկացած ժամի, ցանկալի է մինչև ժամը 16-ը (մեմոպլանտ, տանական, նոոտրոպիլ, պիրացետամ, տրենտալ):  

* Չի կարելի ավելացնել բժշկի նշանակած դեղորայքի չափաքանակը:

* Եվս մեկ կարևոր հանձնարարական: Դեղամիջոցները, ընդհանրապես, պետք է խմել սառը ջրով: 

Չի կարելի թուրինջի հյութով ընդունել այն պատրաստուկները, որոնք նվազեցնում են խոլեստերինի մակարդակը: 

Իսկ լոռամրգիի հյութն արյունը նոսրացնող պատրաստուկների հետ կարող է արնահոսության պատճառ դառնալ:

Հիպերտոնիայի դեմ, հանգստացնող և պարացետամոլ պարունակող պատրաստուկներն ուժեղացնում են ալկոհոլ պարունակող ըմպելիքների ազդեցությունը: 

Կաթը կարող է  նվազեցնել հակաբիոտիկների ազդեցությունը շնչական ինֆեկցիաների բուժման դեպքում: 

Հարցեր, պատասխաններ, մեկնաբանություններ